LearnMen - Experience Based Fashion Blog - Tamil Men Fashion Blog

நூலிழைகளால் துணியை உருவாக்க மனிதன் அறிந்த காலம் முதல், ஆண்களிடம் வேட்டி அணியும் பழக்கம் துவங்கிவிட்டது. தமிழகத்தின் காலநிலை, கலாசாரம், பண்பாடு மற்றும் தொழில் முறைக்கு ஏற்றது வேட்டி. இதனால், அது பாரம்பரிய உடையாக மாறியது. சங்க காலத் தமிழ் நூல்களில் வேட்டி குறித்து குறிப்பிடப்பட்டிருக்கிறது. பழங்காலக் கோயில்களில் இடம்பெற்றுள்ள சிலைகளில், வேட்டி வடிவ உடைகளை ஆண்கள் அணிந்திருப்பதைக் காண முடிகிறது. வேட்டியின் வகைகள்  - வேட்டிகளின் அளவை வைத்தும் அதனுடைய வகையை நிர்ணயம் செய்வது உண்டு. நான்கு முழம்(Single Dhoti), எட்டு முழம்(Double Dhoti), கரை வேட்டி(Small Border, Big Border, Fancy Border Veshti) என வேட்டிகளில் பல வகைகள் உள்ளன.  பட்டு(Silk), பருத்தி(Cotton), பாலியஸ்டர்(Polyester) எனப் பலவகைத் துணிகளிலும் வேட்டிகள் நெய்யப்படுகின்றன. ஏதாவது Synthetic Fiber இனால் பட்டு வேட்டி போன்றே செய்யப்பட்ட செயற்கையான பட்டு வேட்டிகளை Artificial Silk அல்லது Art Silk என்பர். பருத்தி துணியினால் ஆன வேட்டி கட்டியிருக்கும் ஆண்கள்

அங்கவஸ்திரத்துடன்(2.30 Meter) கூடிய ஒன்பது முழம்(9X5 / 4.15 Meter) வேட்டியை பஞ்சகச்சம் வேட்டி(Panchakacham with Angavasthram) என்பர். Angavasthram என்பது டவல்/துண்டு/சால்வை(Shawl/Towel/Thundu/Salvai) எனவும் அறியப்படும். பஞ்சகச்சம் என்பது ஆண்கள் பாரம்பரியமாக அணியும் ஒரு சிறப்பான வேஷ்டி கட்டும் முறையாகும்.  இது ஐந்து மடிப்புகள்(இடுப்பு மற்றும் கால்களுக்கு நடுவே) மடித்துச் செருகப்படுவதால் 'பஞ்சகச்சம்'(ஐந்து கச்சம்) என்று அழைக்கப்படுகிறது. பொதுவாக கோவில் விசேஷங்கள், திருமணங்கள் மற்றும் மதச் சடங்குகளின் போது இது அணியப்படுகிறது. இதனை வட இந்தியர்கள் தோதி என்பர். இருப்பினும் இன்றைய காலத்தில் எல்லா வகை வேட்டிகளையும் Dhoti என அழைப்பதால், இடுப்பைச் சுற்றி அணிந்து, ஐந்து மடிப்புகள் மடித்து இடுப்பிலும், கால்களுக்கூடாகவும் சொருகி, ஒரு தளர்வான பேண்ட் போல அணியும் வேட்டிகளை பஞ்சகச்சம் எனலாம். ஆண்கள் பஞ்சகச்சம் அணிவதற்கு குறைந்தது 4.5 மீட்டர், அல்லது அதற்கு அதிகமான நீளத்தை உடைய வேட்டியை பயன்படுத்த வேண்டும். Read More:   பூசாரிகள், கோவில் குருக்கள், தமிழ் ஐய்யர்களைப் போல 9 யார்(9 Yards Dhot...